25
Sep
काठमाडौँ । दसैँको मुखमा नारायणगढ-मुग्लिन सडकखण्ड अवरुद्ध हुँदा यात्रुले निकै सास्ती खेपिरहेका छन् । यो सडकखण्डको तुइनखोला नजिकै पहिरो जाँदा दुई सातादेखि सवारी सञ्चालन प्रभावित बनेको छ । अहिल्लो साताको शुक्रबारदेखि पटक–पटक पहिरो खस्ने र पन्छाएर सडक खुलाउने क्रम जारी थियो, तर मंगलबार दिउँसो ठुलो पहिरो खस्दा पूर्णरुपमा सडक अवरुद्ध भएको छ । संघीय राजधानी काठमाडौँलाई जोड्ने ‘लाइफलाइन’ सडक अवरुद्ध हुँदा तराई-मधेस र पश्चिम नेपाल आवातजावत गर्ने यात्रु समस्यामा परेका छन् । २०३६ सालमा पूर्व–पश्चिम राजमार्गलाई काठमाडौं–पोखरा जोड्ने पृथ्वी राजमार्गसँग जोड्ने लिङ्करोडको रुपमा मुग्लिन–नारायणगढ खण्डको निर्माण गरिएको थियो । तर यसको विकल्पमा अर्को राजमार्ग निर्माण गर्न नसक्दा बर्सेनि सर्वसाधारण सास्ती…
