Day: August 13, 2024

धनगढीस्थित एसपीए क्याम्पसमा आज एक महत्त्वपूर्ण कार्यशाला आयोजना गरिएको छ। कार्यशालामा बि.आइ.एम संकायका दोस्रो, चौथो तथा पाँचौँ सेमेस्टरका विद्यार्थीहरू सहभागी भएका थिए। क्याम्पसको सेमिनार हलमा सम्पन्न भएको यो कार्यशालामा विद्यार्थीहरूले आफ्नो शैक्षिक तथा व्यावसायिक जीवनलाई कसरी अझ प्रभावकारी बनाउने भन्ने विषयमा बहस र छलफल गरेका थिए। उक्त कार्यशालामा विभिन्न वक्ताहरूले बि.आइ.एम विद्यार्थीहरूलाई अत्यावश्यक ठोस कदमहरू चाल्नुपर्ने र कसरी प्रतिस्पर्धात्मक बजारमा आफूलाई उभ्याउन सकिन्छ भन्ने विषयमा विस्तृत जानकारी प्रदान गरेका थिए। कार्यशालाबाट विद्यार्थीहरूले आफ्नो कोर्ससँग सम्बन्धित दस्तावेज निर्माण, व्यवस्थापन, तथा बजारमा आवश्यक रणनीति र व्यवस्थापन कौशलहरूको थप ज्ञान प्राप्त गरेको बताएका छन्। कार्यक्रममा प्राध्यापक पुष्प राज ओझाले विभिन्न सत्रान्तमा तयार गर्नुपर्ने…

धनगढी: सुदूरपश्चिममा एक गाउँपालिकाका उपाध्यक्षसहित चार वडाध्यक्षको पद रिक्त छ। निर्वाचन आयोगका अनुसार बाजुराको स्वामी कार्तिक खापर गाउँपालिकामा उपाध्यक्षको पद रिक्त छ। बझाङको सुर्मा गाउँपालिका–४, डोटीको पूर्वीचौकी गाउँपालिका–६, दार्चुलाको दुँहु गाउँपालिका–५ र कञ्चनपुरको भीमदत्त नगरपालिका–६ को वडाध्यक्षको पद रिक्त छ। निर्वाचन आयोगले मङ्गलवार विज्ञप्ति जारी गर्दै २०७९ वैशाख ३० गतेको निर्वाचनमा निर्वाचित भएका पाँचवटा पद रिक्त रहेको जनाएको छ। निर्वाचन आयोगले आगामी मङ्सिर तेस्रो साता स्थानीय तहमा रिक्त जनप्रतिनिधिको निर्वाचन गर्ने गरी आन्तरिक गृहकार्य अगाडि बढाएको छ । आयोग पदाधिकारीले प्रधानमन्त्री केपी ओलीसँग सोमबार भेटेर स्थानीय तहका रिक्त पदको उपनिर्वाचन तयारीबारे छलफल गरेका छन् । प्रधानमन्त्रीले मंसिरमा स्थानीय तहमा रिक्त जनप्रतिनिधिको निर्वाचन गराउन…

अत्तरिया : गोदावरी नगरपालिका अत्तरियामा रहेको कृषि उपज थोक बजार व्यवस्थापन समितिको परिसरमा वृक्षारोपण गरिएको छ । मंगलबार गरिएको बृक्षारोपणमा समी, धुपी, बाह्रमासे फूलहरू लगायत ८ भन्दा बढी जातिका करिब ४ सय बढी बोटबिरुवाहरु रोपिएको कृषि उपज बजार व्यवस्थापन समितिका अध्यक्ष नन्दलाल भट्टले बताए । अध्यक्ष भट्टले यस कृषि बजार भित्र एउटा मिनी बगैंचाको रूपमा स्थापना गर्न खोजिएको बताए । उनले वृक्षारोपणबाट बजार भित्रको पर्यावरण लाई सहयोग मिल्ने साथै संरचना सुन्दर हरियाली बनोस् भन्ने उद्देश्यले वृक्षारोपण गरिएको जनाए । वृृक्षारोपणमा गोदावरी नगरपालिका नगर प्रमुख विरेन्द्र भट्ट, नगर प्रवक्ता गोपाल दत्त भट्ट, समितिका पदाधिकारीहरु लगायत व्यापारीहरूको सहभागीता रहेको थिए ।  

धनगढीः सर्पको टोकाईबाट कैलालीमा एक बालकको मृत्यु भएको छ। जिल्लाको गोदावरी नगरपालिका–१० खमौराका बालक अखिल मालीको मृत्यु भएको हो। सर्पले डस्दा घाइते भएका अखिलको सोमवार नोभा हस्पिटल धनगढीमा उपचारका क्रममा मृत्यु भएको हो।    

धनगढी । कैलालीका केही सामुदायिक विद्यालयले पूर्ण रूपमा निरन्तर मूल्याङ्कन प्रणाली कार्यान्वयनमा ल्याएका छन् । विद्यालयले कक्षा १ देखि ३ सम्म पूर्ण रूपमा निरन्तर मूल्याङ्कन लागू गरेका हुन् । अब कक्षा १ देखि ३ का लागि प्रश्नपत्र नबनाई निरन्तर मूल्याङ्कनका आधारमा विद्यार्थीको मूल्याङ्कन गरिने भएको छ । टीकापुर नगरपालिका र आसपासका पालिकाले कक्षा १ देखि ३ मा पूर्ण रूपमा निरन्तर मूल्याङ्कन लागू गरेका छन् । टीकापुरले यसै वर्षदेखि कक्षा १ देखि ३ पूर्ण रूपमा निरन्तर मूयाङ्कन लागू गरेको हो । कक्षा १ देखि ३ सम्मको आउने भदौ ४ गतेदेखि हुने सामुदायिक विद्यालयको प्रथम त्रैमासिक परीक्षाको प्रश्नपत्र निर्माण नगर्ने र निरन्तर मूल्याङ्कनका…