Day: January 4, 2026

धनगढीः बाजुराको बुढीगंगा नगरपालिकामा प्रशासनिक भवन निर्माणको ठेक्कामा व्यापक भ्रष्टाचार भएको ठहर गर्दै अख्तियार दुरुपयोग अनुसन्धान आयोगले तत्कालीन मेयर दीपक बिक्रम शाहसहित १४ जना र ठेकेदार कम्पनीविरुद्ध विशेष अदालतमा मुद्दा दायर गरेको छ । अख्तियार दुरुपयोग अनुसन्धान आयोगका अनुसार ठेक्का प्रक्रियामा सुरुदेखि नै मिलेमतो गरिएको पाइएको छ । प्रचलित कानुनविपरीत लक्षित बोलपत्रदातालाई ठेक्का दिन योग्यता शर्त तथा मापदण्ड बदनियतपूर्वक परिवर्तन गरिएको र बढी कबोल गर्ने बोलपत्रदातालाई स्वीकृत गरेर नगरपालिकालाई ठूलो आर्थिक हानी नोक्सानी पुर्‍याइएको आयोगको ठहर छ । यस प्रकरणमा अख्तियारले धनगढीस्थित जागृति/एमके/नेपाल जेभी, उक्त जेभीका प्रबन्ध सञ्चालक पुष्कर रोकाया र आधिकारिक प्रतिनिधि सुरतबहादुर शाहविरुद्ध पनि कैद र बिगो मागदाबी…

कञ्चनपुर जिल्लाको बेलडाँडी गाउँपालिका–५ झिलमिलामा शुक्लाफाँटा राष्ट्रिय निकुञ्जबाट निस्किएको एक जंगली हात्तीले गाउँबस्तीमा पस्दै घर तथा अन्नबालीमा ठूलो क्षति पुर्‍याएको छ। मंसिर २० गते बिहान करिब ४ बजेको समयमा जंगली हात्ती गाउँबस्तीमा प्रवेश गरी स्थानीय बासिन्दाका घर, घरभित्र राखिएको अन्नपात तथा खेतबारीमा लगाइएको बालीमा क्षति पुर्‍याएको हो। घटनामा कुनै पनि मानवीय क्षति नभएको जनाइएको छ। स्थानीयवासी, नेपाल प्रहरी तथा नेपाली सेनाको संयुक्त टोलीले हात्तीलाई धपाएर पुनः शुक्लाफाँटा राष्ट्रिय निकुञ्जतर्फ फर्काएको छ। शुक्रवार राति आएको हात्ती नै शनिवार राती गाउँमा पसेको स्थानीयले बताए। शुक्रवार राति सोही हात्तीले स्थानीय कमल गिरीको घरमा आक्रमण गरी धान लगायतको घरमा भण्डार गरेको अन्नपात खाएको थियो।…