Year: 2026

धनगढी: सुदूरपश्चिम विश्वविद्यालय अन्तर्गतका विभिन्न क्याम्पसका स्वतन्त्र विद्यार्थी युनियनका अध्यक्षहरूले विश्वविद्यालय प्रशासनसमक्ष  विभिन्न माग सहित  २० बुँदे ज्ञापनपत्र बुझाएका छन्।  संयुक्त ज्ञापन–पत्र बुझाउँदै उनिहरूले शैक्षिक, प्रशासनिक तथा विद्यार्थीका तत्काल समाधान गर्नुपर्ने मागहरू अघि सारेका छन्। विश्व विद्यालयका उपकूलपति प्राध्यापक डा. हेमराज पन्त र रजिष्ट्रार प्राध्यापक डा. विनोद लेखक समक्ष  संयुक्त ज्ञापन पत्र बुझाउँदै केही विषय क्याम्पसस्तरबाट समाधान हुन नसक्ने भएकाले विश्वविद्यालयको ध्यानाकर्षण गराइएको जनाएको छ। ज्ञापन–पत्रमा परीक्षा प्रणाली, नतिजा प्रकाशन, अनलाइन सेवा, पाठ्यक्रम कार्यान्वयन, शिक्षक व्यवस्थापन, छात्रवृत्ति, विभिन्न क्याम्पसका अतिक्रमित भूभागहरु फिर्ता ल्याउन पहल गर्ने, विश्वविद्यालयमा रोजगारी व्यवस्था इकाई स्थापना गर्नुपर्ने लगायत मुख्य विषय समेटिएका छन्। युनियनले सेमेस्टर प्रणालीअन्तर्गत अन्तिम परीक्षा बीचको अन्तराल घटाई…

विमान दुर्घटनामा भारतको महाराष्ट्रका उपमुख्यमन्त्री अजित पवारको मृत्यु भएको छ। पुणेको  बारामतिमा बुधबार बिहान उनी सवार विमान दुर्घटना भएको थियो। दुर्घटनामा परी उनको मृत्यु भएको भारतीय अखबार हिन्दुस्तान टाइम्सले जनाएको छ। पवार सवार विमान ल्यान्डिङको प्रयास गर्दा गर्दै  दुर्घटना भएको र उनलाई मृत घोषणा गरिएको हिन्दुस्तान टाइम्सले जनाएको छ। प्रारम्भिक विवरणमा विमानमा उपमुख्यमन्त्रीका साथै चार सुरक्षाकर्मी र पाइलटसमेत गरी ६ जना सवार थिए। पवार बारामतीतर्फ जिल्ला परिषद् निर्वाचनका लागि चार सार्वजनिक सभाहरू सम्बोधन गर्न जाँदै थिए। दुर्घटनाको कारण र थप विवरण आउन बाँकी रहेको जनाइएको छ।सेतोपाटी बाटी साभार  

नेपाली कांग्रेसको विवाद निर्वाचन आयोगमा पुगेको छ। नेपाली कांग्रेसका विशेष महाधिवेशन पक्षधरहरूले मंगलबार नै भृकुटीमण्डपमा विशेष महाधिवेशन जारी रहेको पत्र पठाएको खुलेको छ। त्यस्तै आज नेपाली कांग्रेसका सभापति शेरबहादुर देउवा पक्षले महामन्त्रीद्वय गगन थापा, विश्वप्रकाश शर्मा र सहमहामन्त्री फरमुल्लाह मन्सुरलाई कारबाहीको पत्र पनि आयोगमा बुझाएको छ। ‘विशेष महाधिवेशन भइरहेको पत्र आयोगमा हिजै दर्ता भएको छ,’ आयोगका प्रवक्ता नारायणप्रसाद भट्टराईले सेतोपाटीसँग भने, ‘आज नेपाली कांग्रेस केन्द्रीय कार्यलयका तर्फबाट अर्को पत्र आएको छ। दुबै पत्र हेर्न पाइएको छैन।’ नेपाली कांग्रेसको दोस्रो महाधिवेशन भृकुटीमण्डपमा जारी छ। अहिले नयाँ नेतृत्व चयन गर्ने प्रक्रिया चलिरहेको छ। कांग्रेसको महाधिवेशन जारी रहँदा बुधबार महामन्त्रीद्वय सहित तीन जनालाई केन्द्रीय…

३० पुस, काठमाडौं । तीन दिनदेखि बुढानीलकण्ठको पार्क भिलेज रिसोर्टमा निर्वाचन अधिकृतहरूको अभिमुखीकरण कार्यक्रम चलिरहेको छ । काठमाडौं बाहेक अरु तीन ठाउँमा चलिरहेको त्यस्तो अभिमुखीकरणमा निर्वाचन आयोगका पदाधिकारीहरुले अब तयारी अवस्थामा आ–आफ्नो क्षेत्रमा जान र विवादरहित रुपमा निर्वाचन गर्न उनीहरूलाई निर्देशन दिएका थिए । प्रत्यक्षतर्फको मनोनयनको दिन नजिकिँदै गर्दा उत्साहित भएका निर्वाचन आयोगका पदाधिकारीहरु बुधबार अपरान्ह नेपाली कांग्रेसमा विकसित घटनाक्रमका कारण भने रनभुल्लमा छन् । चुनाव घोषणा भएदेखि निर्वाचन व्यवस्थापन र बन्दोबस्तीको काममा जुटेको निर्वाचन आयोग नेपाली कांग्रेसभित्रको विवादका कारण अप्ठेरो अवस्थामा पुगेको छ । प्रतिकूल अवस्थामा निर्वाचनको घोषणा भएपनि जेनजी आन्दोलनकारीदेखि राजनीतिक दलहरुलाई एकठाँउमा ल्याएर निर्वाचनका लागि सहज वातावरण बनाएको…

तेहरान । इरानमा जारी सरकार विरोधी प्रदर्शनका क्रममा सुरक्षा फौजको दमनबाट २ हजारभन्दा बढी मानिसको मृत्यु भएको मानव अधिकारवादी समूहले जनाएको छ। यसैबिच अमेरिकी राष्ट्रपति डोनाल्ड ट्रम्पले इरानी जनतालाई मद्दत ‘आउँदैछ’ भन्दै ढाडस दिएका छन्। अमेरिकामा रहेको ह्युमन राइट्स एक्टिभिस्ट न्युज एजेन्सी (एचआरएएनए) ले इरानमा इन्टरनेट बन्द रहे पनि पछिल्लो १७ दिनको विवरण सङ्कलन गर्दै १ हजार ८ सय ५० प्रदर्शनकारी, १३५ जना सरकारी पक्षका व्यक्ति, ९ जना सर्वसाधारण र ९ जना बालबालिका मारिएको पुष्टि गरेको छ। एक इरानी अधिकारीले पनि रोयटर्सलाई २ हजार जनाको मृत्यु भएको बताएका छन् तर उनले यसमा ‘आतंककारी’ को हात रहेको दाबी गरेका छन्। एचआरएएनएले…

नेपाली कांग्रेसका केन्द्रीय सदस्य प्रदीप पौडेलले समझदारीका प्रयासरत रहेको बताएका छन्। विशेष महाधिवेशन पक्षबाट संवाद टोली सदस्य रहेका पौडेलले अहिलेसम्म समझदारी नबनेको तर प्रयास जारी रहेको बताएका हुन्। 'हामी विधानको सर्वोच्चता कायम राख्न र पार्टी एकताबद्ध  बनाउन आफ्नो तर्फबाट प्रयासरत छौं।अर्को पक्षबाट थप छलफलमा बस्ने भन्ने कुराको समय निश्चित भइसकेको छैन,' उनले भने। पौडेलले वार्तासँगै निर्वाचन प्रक्रिया पनि जारी रहने बताए। ‍'नीति र नेतृत्व दुवै परिवर्तनको आवश्यकता छ, अहिले त्यो हुनुपर्छ,' उनले भने। निर्वाचन कार्यक्रम अन्तर्गत बुधबार मनोनयन दर्ताका लागि समय थप गरी बिहान सवा ८ बजेदेखि सवा ९ बजेसम्म राखिएको छ। यसबिच सभापति शेरबहादुर देउवाले दुई महामन्त्रीहरू गगन थापा र विश्वप्रकाश…